نیشنل کمانڈ اینڈ آپریشن سینٹر کے سربراہ اسدعمر کا کہنا ہے کہ ملک بھرمیں 4کروڑ ویکسین لگادی گئیں۔ نیشنل کمانڈ اینڈ آپریشن سینٹر کے سربراہ اسدعمر نے سماجی رابطے کی ویب سائٹ ٹوئٹر پر اپنے پیغام میں کہا ہے کہ ملک بھرمیں 4 کروڑ ویکسین لگا دی گئیں، صرف 9روز میں ویکسین کاچوتھا کروڑ پورا ہوا ہے، شاباش پاکستان، ویکسین کرائیں تاکہ وبا کوروکاجاسکے۔
4 crore vaccination doses administered. The last crore took only 9 working days to administer. Keep it Pakistan. Let's vaccinate and make Pakistan safe from this disease
— Asad Umar (@Asad_Umar) August 12, 2021
گذشتہ روز نیشنل کمانڈ اینڈ آپریشن سینٹر نے ملک میں بھارتی ویرینٹ ڈیلٹا کے پھیلاؤ کے پیش نظر کورونا ویکسی نیشن مہم تیز کرنے کے لئے اہم فیصلے کئے تھے۔
یہ بھی پڑھیں: کورونا ویکسین سے خواتین کی ماہواری مثاثر،حقیقت یا افواہ؟
ذرائع کا کہنا تھا کہ این سی او سی نے یوم آزادی پر ملک بھر کے ویکسی نیشن سینٹرز کھلے رکھنے کا فیصلہ کرتے ہوئے کہا ہے کہ ویکسینیشن سنٹرز 14 اگست کو کھلے رہیں گے جبکہ 10،9محرم الحرام کو تمام ویکسینیشن سینٹرزبند رکھنے کا فیصلہ کیا گیا تھا۔
خیال رہے پاکستان میں کورونا کی صورتحال خطرناک ہوتی جارہی ہے، گزشتہ 24 گھنٹوں کے دوران ملک بھر میں کرونا وائرس کے 102 مریض انتقال کر گئے اور تقریباََ 5 ہزار کے قریب کیسز رپورٹ ہوئے، اس دوران کرونا کے مثبت کیسز کی شرح 8.30 فیصد رہی۔
