مانسہرہ کے علاقے ڈہوڈیال بستی ٹھنڈا کٹھہ میں دیوار گرنے سے چار بچے جاں بحق ہوگئے۔ بچے گورنمنٹ پرائمری سکول ٹھنڈا کٹھہ کے طالبعلم تھے۔
اس سلسلے میں سکول ہذا کے اساتذہ سے ٹی این این کو ملنے والی تفصیل کے مطابق ان کے سکول کے چار بچے طلحہ نواز ولد محمد نواز پپو کلاس اول،رومیشہ دختر ساجد کلاس نرسری،شبانہ دختر نصیر کلاس نرسری اورسعدیہ سفیر دختر محمد سفیر کلاس دوئم گھر پر دیوار گرنے کے حادثے میں جاں بحق ہوگئے۔ سعدیہ سفیر حادثے میں زخمی ہوئی تھی جس کو انتہائی تشویشناک حالت میں ایبٹ آباد منتقل کر دیا گیا تھا تاہم وہ بھی زخموں کی تاب نہ لاتے ہوئے انتقال کرگئی۔
3 بچوں طلحہ،رومیشہ اور شبانہ کو رات ہی سپرد خاک کر دیا گیا تھا، چوتھی بچی سعدیہ سفیر کی نماز جنازہ اج صبح 9 بجے ادا کیا گیا، افسوس ناک ناگہانی حادثہ کے باعث پورے علاقہ کی فضا سوگوار ہے۔
