راولپنڈی اور لاہور میں پاکستان سپر لیگ کے پانچویں ایڈیشن میں آج کھیلے گئے میچز میں پشاور زلمی نے اسلام آباد یونائیٹڈ جبکہ لاہور قلندرز نے کوئٹہ گلیڈی ایٹرز کو شکست دیدی۔
راولپنڈی کرکٹ اسٹیڈیم میں کھیلے گئے پاکستان سپر لیگ کے 20ویں میچ میں پشاور زلمی نے اسلام آباد یونائیٹڈ کو ڈرک ورتھ لوئس میتھڈ کے تحت شکست دیدی۔
اسلام آباد یونائیٹڈ نے پشاور زلمی کو جیت کے لیے 196 رنز کا ہدف دیا جس کے جواب میں پشاور زلمی نے 9 اوورز میں 2 وکٹ کے نقصان پر 85 رنز بنالیے تھے تاہم بارش کے باعث میچ دوبارہ شروع نہ ہوسکا جس کے بعد ڈرک ورتھ لوئس میتھڈ کے تحت پشاور زلمی کو جیت کا حقدار قرار دیا گیا۔
MAAF KER DO SHADDY
What a huge hit from the captain!
Play & win cash prizes: https://t.co/Bmz3ZQ7b62 pic.twitter.com/WLU0qujUpi
— PakistanSuperLeague (@thePSLt20) March 7, 2020
میچ کے آغاز پر پشاور زلمی کے کپتان وہاب ریاض نے ٹاس جیت کر پہلے اسلام آباد یونائیٹڈ کو بیٹنگ کی دعوت دی، میزبان ٹیم کی جانب سے لیوک رونکی اور کولن منرو نے اننگز کا آغاز کیا، رونکی صرف 6 رنز بنانے کے بعد راحت علی کا شکار بنے۔ رضوان حسین بھی 5 رنز کے مہمان ثابت ہوئے۔
کولن منرو نے کپتان شاداب خان کے ساتھ ملکر زبردست شراکت قائم کی، اس دوران دونوں بلے بازوں نے اپنی نصف سنچریاں مکمل کیں، منرو 35 گیندوں پر 52 رنز کی اننگز کھیل کر آؤٹ ہوئے جس کے بعد کولن انگرام نے بھی شاداب خان کا بھرپور ساتھ دیتے ہوئے 50 رنز سے زائد کی شراکت قائم کی۔
As part of the HBL PSL's breast cancer awareness initiative, we are going pink for both matches tonight!
Visit https://t.co/pvGXiJKIGv for more. #PZvIU #HBLPSLV pic.twitter.com/ockaVSkLHt
— PakistanSuperLeague (@thePSLt20) March 7, 2020
کولن انگرام 25 گیندوں پر 41 رنز کی اننگز کھیل کر پویلین واپس لوٹے جب کہ شاداب خان نے 42 گیندوں پر 77 رنز کی شاندار اننگز کھیلی جس میں 4 چھکے اور 5 چوکے شامل تھے۔
پشاور زلمی کی جانب سے حسن علی نے 2، کارلوس بریتھ ویٹ، وہاب ریاض اور راحت علی نے ایک ایک وکٹ حاصل کی۔
پشاور زلمی کی جانب سے امام الحق اور کامران اکمل نے اننگز کا آغاز کیا، امام صرف 7 رنز کے مہمان ثابت ہوئے اور کامران اکمل 21 گیندوں پر 37 رنز کی اننگز کھیل کر آؤٹ ہوئے۔ بارش کے باعث میچ ختم ہونے سے پہلے ٹام بینٹن 16 گیندوں پر 20 اور حیدر علی 8 گیندوں پر 16 رنز کے ساتھ وکٹ پر موجود تھے۔
دوسری جانب لاہور میں کھیلے گئے پی ایس ایل فائیو کے 21ویں میچ میں لاہور قلندرز نے کوئٹہ گلیڈی ایٹرز کو شکست دیدی، شاہین آفریدی اور سمت پٹیل کی شاندار بولنگ کی بدولت کوئٹہ گلیڈی ایٹرز کی وکٹیں جلدی گرادیں جس کی بدولت وہ صرف مقررہ 20 اوورز میں 9 وکٹ کے نقصان پر 98 رنز بناسکے۔
اس سے قبل لاہور قلندرز کے کپتان سہیل اختر نے ٹاس جیت کر پہلے بولنگ کرنے کا فیصلہ کیا تو کوئٹہ گلیڈی ایٹرز کی جانب سے شین واٹسن اور جیسن روئے نے اننگز کا آغاز کیا، شاہین آفریدی نے پہلے ہی اوور میں شین واٹسن کو کھاتہ کھولے بغیر ہی پویلین واپس بھیج دیا اور اپنے اگلے ہی اوور میں احمد شہزاد کو بھی آؤٹ کرکے کوئٹہ کی مشکلات میں اضافہ کیا۔
https://twitter.com/thePSLt20/status/1236291797061697544
بعد ازاں سمت پٹیل نے تباہ کن بولنگ کرتے ہوئے 4 اوورز میں صرف 5 رنز دے کر 4 وکٹیں حاصل کیں، انہوں نے کوئٹہ گلیڈی ایٹرز کے کپتان سرفراز احمد 1، جیسن روئے 6، اعظم خان اور بین کٹنگ کو صفر پر پویلین واپس بھیج کر کوئٹہ گلیڈی ایٹرز کی بیٹنگ لائن کی کمر توڑ دی۔
SAMIT ON FIRE
Fifth wicket down for Quetta. Absolute disaster for them.
Play & win cash prizes: https://t.co/Bmz3ZQ7b62#LQvQG #HBLPSLV pic.twitter.com/N8hwwe3rUZ
— PakistanSuperLeague (@thePSLt20) March 7, 2020
محمد نواز نے انتہائی محتاط انداز میں بیٹنگ کرنے کی کوشش کی لیکن وہ 26 گیندوں پر 10 رنز بنانے کے بعد راجا فرضان کا شکار بنے جب کہ فواد احمد کی وکٹ بھی فرضان کے حصے میں آئی وہ 4 رنز کے مہمان ثابت ہوئے۔ سہیل خان نے 35 گیندوں پر 32 رنز کی اننگز کھیلی وہ سلمان ارشاد کا شکار بنے۔
PARTY TIME
Irshad joins the fun as he bowls Sohail Khan.
Play & win cash prizes: https://t.co/Bmz3ZQ7b62 pic.twitter.com/bzOlZRRU1l
— PakistanSuperLeague (@thePSLt20) March 7, 2020
ہدف کے تعاقب میں فخرزمان نے سہیل اختر کے ساتھ ملکر جارحانہ آغاز فراہم کیا لیکن فخر 20 رنز بنانے کے بعد پویلین واپس لوٹ گئے جب کہ کپتان سہیل کی ناقص بیٹنگ کا سلسلہ جاری رہا اور وہ صرف 5 رنز کے مہمان ثابت ہوئے۔
محمد حفیظ اور بین ڈنک نے جارحانہ بلے بازی کرتے ہوئے 12ویں اوور میں مطلوبہ ہدف حاصل کیا، حفیظ 32 گیندوں پر 39 اور ڈنک 21 گیندوں پر 30 رنز کے ساتھ ناقابل شکست رہے۔
