قومی کرکٹ ٹیم کے سابق کپتان اور آل راونڈر شاہد آفریدی نے اپنی نومولود بیٹی کا نام رکھنے کے لیے مداحوں سے تجویز مانگ لی اور کہا ہے کہ جس کا تجویز کردہ نام انہیں پسند آئے گا انہیں انعام دیا جائے گا۔
شاھد افریدی کی پانچویں بیٹی کی پیدائش گزشتہ روز ہوئی تھی جس کی خبر اور گود میں اٹھائے تصویر اس نے خود سماجی رابطوں کے ویب سائٹس پر شئیر کی تھی۔
اب شاہد آفریدی نے اپنی ایک پوسٹ میں مداحوں سے اپنی نومولود بیٹی کا نام تجویز کرنے کی درخواست کرتے ہوئے کہا ہے کہ ان ناموں میں سے وہ جس کا تجویز کردہ نام منتخب کریں گے اسے انعام بھی دیا جائے گا۔
https://twitter.com/SAfridiOfficial/status/1228630255587463168
سابق کپتان نے پوسٹ میں اپنی چار بیٹیوں کے نام اقصیٰ، انشا، عجوا اور اسمارا لکھتے ہوئے کہا ہے کہ ان کی نئی بیٹی کا نام بھی اے (A) سے تجویز کیا جائے۔
شاہد آفریدی کی ٹوئٹ کے بعد بڑی تعداد میں ان کے مداح مختلف نام تجویز کررہے ہیں۔
افغان کرکٹر راشد خان نے شاہد آفریدی کی بیٹی کے لیے آفرین نام تجویز کیا ہے اور ساتھ ہی انہوں نے اس کا مطلب بہادر بھی بتایا ہے.
Had the pleasure of seeing Lal’s bundle of joy. She’s beautiful, Lala! MashaAllah – A for Aman…in this land of war and intolerance we need more peace. Aman. That’s my suggestion for her name.
— Sana Bucha (@sanabucha) February 15, 2020
اسی طرح معروف خاتون صحافی و فلم میکر ثنا بچا نے ان کے لئے امن نام تجویز کیا ہے اور کہا ہے کہ اس جنگ کی سرزمین اور عدم برداشت میں ہمیں زیادہ امن چاہئیں۔
