افغانستان میں تعینات پاکستان کے خصوصی نمائندے محمد صادق نے وزیر داخلہ شیخ رشید احمد کی طورخم بارڈر کی بندش کے حوالے سے اطلاع کی تردید کر دی۔
خیال رہے کہ وفاقی زیر داخلہ شیخ رشید احمد نے ایک ٹویٹ میں کہا تھا کہ کرونا وبائ کے باعث این سی او سی کی جاریکردہ ہدایات کے مطابق طورخم بارڈر کو 6 جولائی سے ہر طرح کی آمدورفت کے لئے بند کر دیا گیا ہے۔
Torkham border crossing is open for Pakistanis and Afghans returning to their countries, students and patients. All trade and transit traffic is also open. However, COVID-19 related SOPs are required to be followed in all cases.
— Mohammad Sadiq (@AmbassadorSadiq) July 6, 2021
شیخ رشید احمد نے کہا کہ پاک افغان سرحد پر طورخم امیگریشن مرکز ہر طرح کی آمدورفت کے لئے تب تک بند رہے گا جب تک این سی او سی کی طرف سے نئی ہدایات وزارت داخلہ کو موصول نہیں ہوتیں۔
تاہم افغانستان میں تعینات خصوصی نمائندے محمد صادق نے ایک ٹویٹ میں اس کی تردید کرتے ہوئے کہا کہ طورخم بارڈر پاکستانی اور افغان شہریوں، مریضوں اور طلباء کیلئے کھلا ہے، تجارت اور ٹریفک کی آمدورفت بھی جاری ہے تاہم تمام صورتوں میں کورونا ایس او پیز کا خیال ضروری ہے۔
