پاک افغان سرحد طورخم کو ایک بار پھر آمدورفت کے لیے بند کر دیا گیا۔ وفاقی وزیر داخلہ شیخ رشید احمد نے سماجی رابطے کی ویب سائٹ ٹوئٹر پر لکھا کہ طور خم بارڈر کو نیشنل کمانڈ اینڈ آپریشن سینٹر (این سی او سی) کی ہدایت پر بند کیا گیا ہے۔ یہ فیصلہ کورونا وائرس کے پھیلاؤ کو روکنے کے لیے کیا گیا ہے۔
کرونا وباکے باعث این سی او سی کی جاریکردہ ہدایات کے مطابق،طورخم بارڈر کو آج (6 جولائی) سے ہر طرح کی آمدورفت کے لئے بند کردیا گیا ہے۔1/2
— Sheikh Rashid Ahmed (@ShkhRasheed) July 6, 2021
انہوں نے کہا کہ پاک افغان سرحد پر طورخم امیگریشن مرکز ہر طرح کی آمدورفت کے لیے اس وقت تک بند رہے گا جب تک این سی او سی کی طرف سے نئی ہدایات وزارت داخلہ کو موصول نہیں ہو جاتیں۔
پاک – افغان سرحد پر طورخم امیگریشن مرکز ہر طرح کی آمدورفت کے لئے تب تک بند رہے گا جب تک این سی او سی کیطرف سے نئی ہدایات وزارت داخلہ کو موصول نہیں ہوتیں۔2/2
— Sheikh Rashid Ahmed (@ShkhRasheed) July 6, 2021
واضح رہے کہ اس سے قبل بھی طورخم بارڈر کو کورونا وائرس کی وجہ سے ہر طرح کی آمدورفت کے لیے بند کر دیا گیا تھا۔
آخری اطلاعات کے مطابق طورخم بارڈر ابھی تک مکمل بند نہیں کیا گیا اور تجارتی گاڑیوں کی آمدورفت جاری ہے۔
