شمالی وزیرستان میں فائرنگ کے مختلف واقعات میں دو عسکریت پسندوں سمیت تین افراد مارے گئے جبکہ ایک سیکیورٹی اہلکار زخمی ہو گیا۔
زرائع کے مطابق شمالی وزیرستان کی تحصیل دتہ خیل علاقہ منظر خیل میں سرچ آپریشن کے دوران عسکریت پسندوں کی جانب سے سیکیورٹی فورسز پر فائرنگ کی گئی جس کے نتیجے میں وسیم اشرف نامی ایک سیکیورٹی اہلکار زخمی ہو گیا جبکہ سیکیورٹی فورسز کی جوابی کارروائی میں 2 حملہ آور کام آ گئے۔
وقوعہ کے بعد سیکیورٹی فورسز نے علاقے کو گھیرے میں لے کر سرچ آپریشن شروع کر دیا۔
دوسرے واقعہ میں میرعلی سب ڈویژن عیدک گاوں کے قریب چلتی گاڑی سے نامعلوم افراد کی فائرنگ سے ایک شخص جاں بحق ہو گیا۔
مقامی پولیس کے مطابق واقعہ دیرینہ دشمنی کا شاخسانہ ہے، پولیس نے موقع پر پہنچ کر تفتیش شروع کر دی۔
