پی سی بی کا تاریخی فیصلہ، پہلی بار خاتون پولیس افسر قومی مینز کرکٹ ٹیم کی منیجر مقرر

پاکستان کرکٹ بورڈ نے حنا منور کو قومی مینز کرکٹ ٹیم کی پہلی خاتون منیجر مقرر کرکے تاریخی فیصلہ رقم کر دیا۔ تفصیلات کے مطابق پی سی بی نے چیمپئنز ٹرافی سے قبل وومن کرکٹ ٹیم کے لئے مقرر چیف سیکیورٹی افسر حنا منور کو پاکستان مینز کرکٹ ٹیم کا منیجر مقرر کیا ہے۔

حنا منور 19 فروری سے شروع ہونے والی چیمپئنز ٹرافی کے دوران آپریشنز منیجر کے فرائض انجام دیں گی جبکہ 8 فروری سے شروع ہونے والی سہ ملکی سیریز کے دوران ٹیم کی نگرانی بھی کریں گی۔

واضح رہے کہ حنا منور کا تعلق پولیس گروپ سے ہے اور ان کی تقرری 2 برس کے لئے ہوئی ہے اور گزشتہ سال حنا منور کو ایشیا کپ کے لئے جانے والی پاکستان وومنز انڈر 19 اسکواڈ کا منیجر بھی نامزد کیا گیا تھا۔