3 مارچ کو ملک بھر کے بینک بند رہیں گے، اسٹیٹ بینک آف پاکستان کا اعلان

اسٹیٹ بینک آف پاکستان نے اعلان کیا ہے کہ زکوٰۃ کی کٹوتی کے سلسلے میں ملک بھر کے تمام بینک 3 مارچ بروز پیر عوامی لین دین کے لیے بند رہیں گے۔

اسٹیٹ بینک کی جانب سے جاری کردہ اعلامیہ کے مطابق3 مارچ کو تمام بینک اور مالیاتی ادارے زکوٰۃ کٹوتی کے عمل کے لیے سروس فراہم نہیں کریں گے، تاہم بینکوں کا عملہ معمول کے مطابق اپنی ڈیوٹیز پر حاضر ہو گا۔

مزید برآں 2 رمضان المبارک کو تمام کمرشل بینکوں میں عوامی لین دین معطل رہے گا اور بینک عملہ صرف زکوٰۃ کٹوتی کے عمل کی نگرانی کے لیے موجود ہوگا۔

عوام کو مشورہ دیا گیا ہے کہ وہ اپنی بینکاری ضروریات کے لیے متبادل دنوں میں بینکوں سے رجوع کریں۔