لاہور: عالمی سالانہ تبلیغی اجتماع کا پہلا مرحلہ آج بعد نمازِ عصر شروع ہو گا

رائیونڈ لاہور میں عالمی سالانہ تبلیغی اجتماع کا پہلا مرحلہ آج بعد نمازِ عصر سے شروع ہو گا۔ جبکہ اجتماع میں شرکت کے لئے شرکاء کی آمد کا سلسلہ جاری ہے۔

تفصیلات کے مطابق تبلیغی اجتماع کا پہلا مرحلہ 3 نومبر کو دعا کے بعد اختتام پزیر ہو گا جبکہ دوسرا مرحلہ 7 نومبر کو شروع ہو کر 10 نومبر کو دعا کے بعد اختتام پزیر ہو جائے گا۔

اس عالمی سالانہ تبلیغی اجتماع میں ملک بھر سے اور دیگر ممالک سے بھی مندوبین اور علمائے کرام کی بڑی تعداد شرکت کر رہی ہے۔

اجتماع کی سیکیورٹی کےلئے ٹریفک پولیس کے 13 ڈی ایس پیز، 203 انسپکٹرز، 999 وارڈنز فرائض انجام دے رہے ہیں۔ مزید برآں اجتماع کی فول پروف سیکیورٹی کے لئے واک تھرو گیٹس اور کیمرے بھی نصب کئے گئے ہیں۔