حکومت نے پٹرول کی قیمت میں ڈیڑھ روپے فی لیٹر کمی کر دی۔
وزارت خزانہ کے اعلامیہ کے مطابق پٹرول، ہائی سپیڈ ڈیزل اور مٹی کے تیل کی قیمتوں میں ڈیڑھ ڈیڑھ روپے فی لیٹر جبکہ لائٹ ڈیزل آئل کی قیمت میں ایک روپے فی لیٹر کمی کر دی گئی ہے۔
وزارت خزانہ کے مطابق پٹرول کی قیمت 119.80 روپے سے کم کر کے 118.30 روپے فی لیٹر، ہائی اسپیڈ ڈیزل کی قیمت 116.53 روپے سے کم کر کے 115.03 روپے فی لیٹر، مٹی کے تیل کی قیمت 88.30 روپے سے کم کر کے 86.80 روپے فی لیٹر جبکہ لائٹ ڈیزل آئل کی قیمت 85.77 روپے سے کم کر کے 84.77 روپے فی لیٹر مقرر کر دی گئی ہے۔
پٹرولیم مصنوعات کی نئی قیمتوں کا اطلاق آج رات 12 بجے سے ہو گا، نئی قیمتیں 15 ستمبر تک لاگو رہیں گی۔
