وزیراعظم عمران خان کی حکومت میں کفایت شعاری مہم کے نتائج سامنے آنے کا سلسلہ جاری، وزیر اعظم کی کفایت شعاری مہم کے نتیجے میں مختلف اداروں اور گورنمنٹ ہاؤسز میں بڑے پیمانے پر بچت ہو رہی ہے۔
وزیر اعظم کی زیر صدارت ترجمانوں کے اجلاس میں آج وزیر اعظم ہاؤس کے اخراجات کی تفصیلات پیش کی گئیں، اجلاس میں بتایا گیا کہ وزیر اعظم آفس اور وزیر اعظم ہاؤس میں اخراجات کی مد میں کروڑوں روپے بچائے گئے ہیں، وزیر اعظم مشکل معاشی حالات میں اخراجات 49 فی صد تک کم کرنے میں کامیاب ہو گئے۔
پرویز اشرف نے 9 دوروں میں 107 ملین اڑائے، نواز شریف نے 92 غیر ملکی دورے کیے اور 1 اعشاریہ 8 ارب روپے خرچ کیے، شاہد خاقان عباسی کے 19 دوروں پر 260 ملین روپے خرچ ہوئے۔
دوسری طرف وزیر اعظم عمران خان کے 26 غیرملکی دوروں میں 176 ملین روپے خرچ ہوئے، جبکہ وزیر اعظم نے کوئی کیمپ آفس نہ رکھ کر بھی کروڑوں روپے کی بچت کی۔
