پشاور، اسلام آباد اور لاہور سمیت ملک کے مختلف شہروں میں زلزلے کے جھٹکے

پشاور، اسلام آباد اور لاہور سمیت ملک کے مختلف شہروں میں زلزلے کے جھٹکے محسوس کیے گئے جس کے سبب عوام میں خوف و ہراس پھیل گیا۔

زلزلہ پیما مرکز کے مطابق زلزلے کا مرکز تاجکستان بتایا جا رہا ہے جب کہ ریکٹر اسکیل پر زلزلے کی شدت 6.2 ریکارڈ کی گئی۔

میڈیا رپورٹس کے مطابق اسلام آباد، پشاور، لاہور، مانسہرہ سمیت ملک کے مختلف شہروں میں زلزلے کے باعث لوگ خوف زدہ ہو کر گھروں سے باہر نکل آئے۔

اس کے علاوہ بالاکوٹ، سوات، دیر، ملاکنڈ، کلرکہار، قصور، پاکپتن، ساہیوال، ننکانہ صاحب، خوشاب، مانگا منڈی، مری، سرائے مغل، خانقاہ ڈوگراں، عارف والا، فورٹ عباس، منڈی بہاء الدین، گجرات ، حافظ آباد، وہاڑی، بہاولنگر، باغ آزاد کشمیر، بھکر، کوٹلی، بٹگرام، لاہور، رائے ونڈ، مظفر آباد، گوجرانوالہ، میرپور، راولپنڈی، سرگودھا، سکردو، جہلم، اوکارہ اور دیگر شامل ہیں۔