سول ایوی ایشن اتھارٹی نے بیرون ممالک سے پاکستان آنے والے مسافروں کے لیے نیا سفری ہدایت نامہ جاری کردیا۔ سول ایوی ایشن اتھارٹی نے کورونا ایس او پیز کے تحت ممالک کو 3 کیٹیگریز میں تقسیم کیا ہے جن میں کیٹیگری اے میں آسٹریلیا، چین، عراق، نیوزی لینڈ، قطر، آئس لینڈ، سری لنکا اورسعودی عرب سمیت 24 ممالک شامل ہیں۔
سی اے اے کے مطابق کیٹیگری اے کے مسافروں کے لیے کورونا ٹیسٹ کروانا لازمی نہیں ہوگا البتہ کیٹیگری بی میں شامل ممالک کے مسافروں کے لیے 72 گھنٹے قبل کی ٹیسٹ رپورٹس لازمی قرار دی گئی ہے جب کہ کیٹیگری بی میں وہ ممالک شامل ہیں جو کیٹیگری اے اور سی میں موجود نہیں۔
سی اے اے کے مطابق کیٹیگری سی میں 6 ممالک شامل ہیں جن میں جنوبی افریقا، برطانیہ، بزایل، آئرلینڈ ،پرتگال اور نیدرلینڈ ہیں جب کہ کیٹیگری سی میں شامل ممالک کےمسافروں کی آمد این سی او سی کی اجازت سے مشروط ہے۔
