سیکیورٹی فورسز کے قافلے پر دہشت گردوں کے حملے میں پاک فوج کا ایک جوان شہید اور 7 زخمی ہو گئے۔
پاک فوج کے شعبہ تعلقات عامہ (آئی ایس پی آر کے) مطابق شمالی وزیرستان کے علاقے میرعلی میں سیکیورٹی فورسز کے قافلے پر دہشت گردوں نے گزشتہ شب حملہ کیا جس کے نتیجے میں 34 سالہ نائیک یاسین شہید اور 7 جوان زخمی ہوئے۔
آئی ایس پی آر کے مطابق سیکیورٹی فورسز نے دہشت گردوں کے حملے پر فوری جوابی کاروائی کی جس کے نتیجے میں 2 دہشت گرد مارے گئے جبکہ 10 زخمی ہوئے۔
