محکمہ موسمیات کے مطابق خیبرپختونخوا میں مطلع جزوی طور پر ابرآلود رہے گا، جبکہ آئندہ 24 گھنٹوں کے دوران چترال، سوات، شانگلہ، دیر، مالاکنڈ، بونیر، کوہستان، مانسہرہ، بٹگرام، تورغر اور ایبٹ آباد میں گرج چمک کے ساتھ بارش کا امکان ہے۔
گزشتہ روز صوبے کے مختلف علاقوں میں بارش ریکارڈ کی گئی، جن میں مردان، صوابی، ایبٹ آباد، سوات، باجوڑ اور ڈیرہ اسماعیل خان شامل ہیں۔ چراٹ میں سب سے زیادہ 43 ملی میٹر بارش ہوئی، جبکہ ڈی آئی خان میں 6، اور مالم جبہ، کاکول اور باجوڑ میں 3 ملی میٹر بارش ریکارڈ کی گئی۔
محکمہ موسمیات کے مطابق پشاور میں کم سے کم درجہ حرارت 20 ڈگری سینٹی گریڈ ریکارڈ کیا گیا، جبکہ زیادہ سے زیادہ درجہ حرارت 36 ڈگری سینٹی گریڈ تک جانے کا امکان ہے۔ سب سے کم درجہ حرارت کالام اور مالم جبہ میں 9 ڈگری سینٹی گریڈ ریکارڈ کیا گیا۔
