خیبر پختونخوا کے مختلف اضلاع میں بارش اور برفباری کی پیشگوئی

محکمہ موسمیات کے مطابق، خیبر پختونخوا کے بیشتر اضلاع میں آئندہ چند روز تک مطلع جزوی طور پر ابر آلود رہنے کا امکان ہے۔

تاہم چترال، بالائی و زیریں دیر، سوات، باجوڑ، ملاکنڈ، شانگلہ، ایبٹ آباد، مانسہرہ، کوہستان، تورغر، بٹگرام، ہری پور کے اضلاع میں گرج چمک کے ساتھ بارش کا امکان ہے، جبکہ بلند و بالا پہاڑوں پر برفباری بھی متوقع ہے۔

اس کے علاوہ، صوابی، مردان، چارسدہ، پشاور، کوہاٹ، ہنگو، کرک، لکی مروت، بنوں، مہمند، خیبر، اورکزئی، کرم، ڈی آئی خان، ٹانک، شمالی و جنوبی وزیرستان کے اضلاع میں بھی بعض مقامات پر گرج چمک کے ساتھ بارش ہو سکتی ہے۔

گزشتہ 24 گھنٹوں کے دوران صوبے کے زیادہ تر اضلاع میں بارش ہوئی، جس سے موسم خوشگوار ہو گیا اور درجہ حرارت میں کمی آئی۔