خیبرپختونخوا حکومت کا رمضان اور عید پیکج کا اعلان
خیبرپختونخوا حکومت نے رمضان اور عید کے لیے مستحق خاندانوں کو امدادی پیکج دینے کا فیصلہ کیا ہے۔ حکومت کے مطابق صوبے کے 10 لاکھ سے زائد مستحق خاندانوں کو 10 ہزار روپے دیے جائیں گے۔
ترجمان خیبرپختونخوا حکومت بیرسٹر ڈاکٹر سیف نے بتایا کہ امدادی رقم 15 رمضان سے قبل بینکوں اور ایزی پیسہ کے ذریعے مستحقین تک پہنچائی جائے گی۔ بینک اور ڈسبرسنگ چارجز حکومت خود برداشت کرے گی تاکہ مستحقین کو پوری رقم حاصل ہو۔
وزیراعلیٰ کی ہدایت پر یتیم، دہشت گردی سے متاثرہ افراد اور خواجہ سراوں کو ترجیحی بنیادوں پر امداد فراہم کی جائے گی۔ حکومت کا کہنا ہے کہ امدادی پیکج کی تقسیم میں مکمل شفافیت کو یقینی بنایا جائے گا۔
