پشاور: خیبر ٹیچنگ ہسپتال کے قریب سلینڈر دھماکہ، 12 افراد زخمی

پشاور کے خیبر ٹیچنگ ہسپتال (کے ٹی ایچ) کے قریب ہوٹل میں سلنڈر دھماکے کے نتیجے میں 12 افراد زخمی ہوگئے۔

انتدائی معلومات کے مطابق کے ٹی ایچ کے قریب ہوٹل میں سلنڈر دھماکا ہوا۔ اطلاع ملتے ہی ریسکیو ایمبولینس اور  فائر ویکل موقع پر پہنچ گئی اور امدادی کارروائیاں شروع کیں۔

ریسکیو 1122 کے ترجمان بلال فیضی نے کہا کہ ابتدائی طور پر زخمیوں کو  ہسپتال منتقل کیا گیا ہے، جبکہ فائر فائٹرز نے جلد ہی آگ پر قابو پالیا۔

ہسپتال ذرائع کے مطابق چند زخمی اب بھی ہسپتال میں زیر علاج ہیں۔