خیبر پختونخوا: بعض علاقوں میں گرج چمک کے ساتھ بارش، بیشتر اضلاع میں موسم خشک اور سرد رہنے کا امکان

خیبر پختونخوا کے بعض اضلاع میں گرج چمک کے ساتھ بارش، جبکہ بیشتر اضلاع میں موسم خشک اور سردی کی شدت میں اضافے  کا امکان ہے۔

محکمہ موسمیات کے مطابق صوبے کے بیشتر اضلاع میں موسم خشک اور سرد رہے گا جب کہ بالائی اضلاع میں سردی کی شدت بڑھنے کا امکان ہے۔

محکمہ موسمیات کا کہنا ہے کہ چترال، دیر، سوات، شانگلہ، بونیر، مالاکنڈ، ہزارہ ڈویژن، مانسہرہ، کوہستان، بٹگرام، مہمند، باجوڑ اور کرم میں بارش کا امکان ہے۔

یہ بھی پڑھیں: اپر کرم: نامعلوم سمت سے فائرنگ؛ دو شہری زخمی، قبائل میں مبینہ طور پر فائرنگ کا تبادلہ پھر سے شروع

محکمہ موسمیات کے مطابق خیبر پختونخوا کے بالائی اضلاع میں بارش کے ساتھ برفباری کا بھی امکان ہے۔ گزشتہ 24 گھنٹوں کے دوران سب سے زیادہ بارش، 11 ملی میٹر، دیر میں ریکارڈ کی گئی۔

اس کے علاوہ کالام میں 9، میرکھنی7، دورش 6، چترال اور مالم جبہ میں 3، 3 جبکہ کاکول 2، سیدو شریف اور تخت بائی میں ایک ایک ملی میٹر بارش ریکارڈ کی گئی ۔

اُدھر پہاڑی علا قے کالام میں 5 اور مالم جبہ میں ایک انچ برفباری ریکارڈ کی گئی۔