خیبر پختونخوا میں موسم سرد، کالام میں درجہ حرارت منفی 7 ریکارڈ

خیبر پختونخوا کے بیشتر علاقوں میں موسم سرد، جبکہ بالائی اضلاع میں انتہائی سرد رہنے کا امکان ہے۔

محکمہ موسمیات کے مطابق اپر دیر، اپر چترال، اور کوہستان کے اضلاع میں موسم جزوی ابرآلود رہنے کے ساتھ ساتھ ہلکی بارش اور پہاڑوں پر ہلکی برفباری جبکہ چارسدہ، نوشہرہ، مردان، صوابی اور ڈیرہ میں دھند چھائے رہنے کا امکان ہے۔

یہ بھی پڑھیں: خیبر پختونخوا: دو مختلف کارروائیوں کے دوران آٹھ دہشت گرد مارے گئے

چترال، دیر، سوات اور دیگر بالائی علاقوں کی رابطہ سڑکیں گزشتہ برفباری کی وجہ سے تاحال بند ہیں جس کے باعث لوگوں کو مشکلات کا سامنا ہے۔

دوسری جانب پشاور میں کم سے کم درجہ حرارت 2 ڈگری سینٹی گریڈ؛ کالام میں درجہ حرارت منفی 7، دیر، چترال منفی 4، پاراچنار منفی 3، اور سوات کے علاقوں؛ سیدو شریف اور مالم جبہ، میں منفی ایک ریکارڈ کیا گیا۔