اے این پی کے سینئر رہنماء الیاس احمد بلور انتقال کر گئے

عوامی نیشنل پارٹی ( اے این پی) کے سینئر رہنما اور سابق سینیٹر الیاس احمد بلور طویل علالت کے بعد 84 سال کی عمر میں انتقال کر گئے۔

اے این پی کے سینئر رہنماء اور مرحوم الیاس بلور کے بھائی غلام احمد بلور کے مطابق سابق سینیٹر الیاس احمد بلور گردوں کے مرض میں مبتلا تھے، کئی ماہ سے پشاور کے ایک نجی ہسپتال میں زیرعلاج تھے، اور آج صبح انتقال کر گئے۔

رہنما اے این پی ثمر ہارون بلور نے الیاس بلور کے انتقال کی تصدیق کرتے ہوئے بتایا کہ الیاس بلور کی نماز جنازہ کل دوپہر 2 بجے وزیر باغ میں ادا کی جائے گی۔

یہ بھی پڑھیں: پنجاب حکومت نے مصنوعی بارش کی مقامی ٹیکنالوجی کا کامیاب تجربہ کر لیا

الیاس بلور 2012 میں اے این پی کے سینیٹر بنے تھے اور سیاست کے آغاز سے ہی اے این پی سے وابستہ تھے۔ ان کے بیٹے غضنفر بلور نے پی ٹی آئی میں شمولیت اختیار کی تھی جس کے بعد الیاس بلور نے اپنی سیاسی سرگرمیاں ختم کر دی تھیں۔

مرحوم شہید بشیر احمد بلور کے بھائی، اور ہارون بلور شہید کے چچا تھے۔

صدر مملکت آصف علی زرداری، اور وزیر اعظم شہباز شریف نے الیاس احمد بلور کے انتقال پر افسوس کا اظہار کیا ہے۔