صوبے بھر میں بارشوں سے 6 افراد جاں بحق اور 977 گھروں کو نقصان پہنچا،پی ڈی ایم اے

پرونشل ڈیزاسٹر مینجمنٹ اتھارٹی (پی ڈی ایم اے) نے صوبے بھر میں حالیہ بارشوں سے ہونے والے جانی اور مالی نقصانات کی تفصیلات جاری کر دی ہیں۔

رپورٹ کے مطابق، گزشتہ چوبیس گھنٹوں کے دوران بارشوں کے نتیجے میں مختلف حادثات میں 6 افراد جاں بحق ہوگئے۔ جاں بحق افراد میں ایک مرد، ایک خاتون اور تین بچے شامل ہیں۔

چارسدہ میں بارشوں کے نتیجے میں ایک ہی خاندان کے پانچ افراد کی ہلاکت کی تصدیق کی گئی ہے۔ پی ڈی ایم اے کی رپورٹ کے مطابق، یکم جولائی سے اب تک صوبے بھر میں مجموعی طور پر 107 افراد جاں بحق اور 146 زخمی ہوئے ہیں۔

مالی نقصانات کی بات کریں تو بارشوں کے باعث مجموعی طور پر 977 گھروں کو نقصان پہنچا ہے، جن میں سے 262 گھروں کو مکمل نقصان پہنچا ہے۔