چارسدہ پولیس نے آئس کے دھندہ میں ملوث خاتون کو رنگے ہاتھوں گرفتار کرلیا۔ ڈی پی او چارسدہ زیب اللہ خان کی جاری کردہ احکامات پر منشیات کے دھندہ میں ملوث ملزمان کی گرفتاری کے لئے پولیس کی کاروائیاں جاری ہے۔ ڈی ایس پی تنگی محمد اسحاق خان کو تھانہ عمرزئی کے حدود میں اطلاع ملی کہ ایک خاتون آئس فروخت کرنے مصروف ہے۔
اطلاع ملنے کے بعد ایس ایچ او تھانہ عمرزئی کاشف خان ہمراہ لیڈیز پولیس اور دیگر نفری موقع پر پہنچ گئے، اس دوران مسماۃ( ش) سکنہ رجڑ حال عمرزئی کو گرفتار کرکے خاتون کے پرس سے 141گرام آئس برآمد کر لیا گیا۔
کاروائی کے دوران اشتہاریوں کے سہولت کار کو بھی گرفتار کیا گیا۔ ملزمان کے خلاف تھانہ عمرزئی میں مقدمات درج کرتے ہوئے تفتیش شروع کر دی گئی۔
