خیبر پختونخوا کے دارالحکومت پشاور میں علی الصبح مکان میں گیس سلنڈ دھماکہ کے نتیجے میں بچوں سمیت 6 افراد زخمی ہو گئے جنہیں ریسکیو 1122 کی امدادی ٹیموں نے طبی امداد کیلئے ہسپتال منتقل کر دیا۔
ترجمان 1122 بلال احمد فیضی کے مطابق اتوار کی صبح حاجی کیمپ سیٹی ٹاؤن میں ایک مکان کے اندر گیس لیکج کے باعث سلنڈر دھماکہ کی اطلاع موصول ہوئی جس پر ٹیموں کو جائے وقوعہ پر روانہ کر دیا گیا۔
ترجمان کے مطابق 6 زخمیوں کو ابتدائی طبی امداد کی فراہمی کے ساتھ لیڈی ریڈنگ ہسپتال اور بعد ازاں برن سنٹر حیات آباد منتقل کر دیا گیا جہاں تمام کی حالت خطرے سے باہر بتائی جا رہی ہے۔
ترجمان کے مطابق زخمیوں میں بچے بھی شامل ہیں۔
