نوشہرہ، ٹریفک حادثہ میں ایک خاتون اور بچے سمیت چھ افراد جاں بحق

نوشہرہ میں پیش آنے والے ٹریفک کے ایک افسوسناک حادثے میں خاتون اور بچے سمیت چھ افراد جاں بحق جبکہ متعدد زخمی ہو گئے۔

نمائندہ ٹی این این کے مطابق خیرآباد سے نظام پور جانے والی ایک اوورسپیڈ مسافر فلائنگ کوچ کو دروازگئی کے قریب ایک تیز رفتار ٹریلر نے کچل ڈالا۔

ریسکیو حکام کے مطابق اب ایک خاتون اور ایک بچے سمیت 6 افراد کی لاشیں قاضی میڈیکل کمپلیکس نوشہرہ پہنچا دی گئی ہیں جبکہ بعض زخمیوں کی حالت نازک ہونے کی بنا پر مزید ہلاکتوں کا بھی خدشہ ہے۔

ریسکیو ترجمان کا کہنا ہے کہ فلائنگ کوچ میں 15 سے 18 افراد سوار تھے جن میں خواتین اور بچے بھی شامل ہیں، قبل ازیں زخمیوں کو علاقہ مکینوں نے اپنی مدد آپ کے تحت قاضی میڈیکل کمپلیکس پہنچانا شروع کر دیا تھا۔

زخمیوں میں پانچ افراد کی حالت تشویش ناک بتائی جا رہی ہے۔

ریسکیو کی ریکوری وہیکل جائے حادثہ پہنچ گئی جس کے ذریعے سڑک کھول کر ٹریفک کی رواںی یقینی بنا دی گئی ہے۔