سوات کے علاقے اسلام پور میں مسجد کے اندر فائرنگ سے دو افراد جاں بحق ہوگئے۔
پولیس ذرائع کےمطابق فائرنگ فاتحہ خوانی کے دوران کی گئی فائرنگ کے نتیجے میں ایک پولیس اہلکار نثار اور دوسرا سابقہ پولیس انسپکٹر ظاہر خان جابحق ہوئے۔
پولیس کا کہنا ہے کہ جاں بحق افراد کو سیدو شریف ہسپتال منتقل کیا گیا۔
فائرنگ کا واقعہ پرانی دشمنی کا شاخسانہ بتایا گیا ہے۔
دوسری جانب کرک میں پولیس پارٹی پر فائرنگ کرنے والا دہشت گرد جوابی کاروائی میں مارا گیا۔ پولیس کا کہنا ہے کہ واقعہ تھانہ سٹی کے حدود میں پیش آیا۔
پولیس کا کہنا ہے کہ شمالی وزیرستان سے تعلق رکھنے والے دہشت گرد نے پولیس پر فائرنگ کردی اور جوابی فائرنگ میں مارا گیا۔
دہشت گرد کی فائرنگ سے ایک پولیس اہلکا شدید زخمی ہوگیا۔ کرک زخمی اہلکار کو مزید علاج کے لئے پشاور منتقل کر دیا گیا۔
