دیربالا کے علاقہ املوک نار کیردرہ میں اچانک زمین میں دراڑیں آنے کی وجہ سے آٹھ دکانوں کے گرنے کا خدشہ پیدا ہوگیا ہے۔ مقامی افراد نے اپنی مدد آپ کے تحت دکانوں سے سامان نکال لیا جبکہ قریبی چند مکانات کو بھی خطرہ ہے۔
علاقہ کے سماجی کارکن نصیب خان اور سابق ویلیج کونسل چیٸرمین عمرخطاب کے مطابق آج بروز بدھ صبح کیر درہ املوک نار میں زمین میں اچانک دراڑیں آنا شروع ہوگئی جوکہ رفتہ رفتہ بڑھتی جارہی ہے دراڑیں آنے کی وجہ سے قریبی مارکیٹ جس میں آٹھ دکانیں ہیں کے گرنے کا خطرہ پیدا ہوگیا تو مقامی افراد نے سامان نکالنا شروع کردیا جبکہ قریبی چار پانچ مکانات بھی خطرے میں ہیں۔
علاقے کا رابطہ لنک سڑک بھی امدورفت کے لیے بند ہوگیا اور علاقے میں خوف وہراس ہے۔
