سوات کے علاقے منگلور میں شرپسندوں اور پولیس کے درمیان فائرنگ کے نتیجے میں ایک پولیس اہلکار زخمی جبکہ ایک شرپسند جاں بحق ہوگیا۔
پولیس کے مطابق فائرنگ سے پولیس اہلکار رحمان اللہ پاوں پر گولی لگنے سے زخمی ہوگیا جس کو فوری طور پر ہسپتال منتقل کردیا گیا ہے۔ پولیس کا بتانا ہے کہ پولیس وین پیر کی صبح معمول کی گشت پرتھی کہ اس دوران شرپسندوں نے وین پرفائرنگ کردی۔
پولیس کا کہنا ہے کہ پولیس کی جوابی کاروائی میں ایک شرپسند جابحق ہوگیا۔
واقعے کے بعد پولیس نے علاقے میں سرچ آپریشن شروع کردیا ہے۔
