بونیر کا ایک نوجوان دشمنی کی بھینٹ چڑھ گیا، دوسرا اپنے ہی اسلحے سے زخمی
سٹیزن جرنلسٹ عظمت تنہا
بونیر کے علاقہ چملہ ناواگئی میں فائرنگ کے واقعے میں ایک نوجوان زخمی ہو گیا جبکہ دیوانہ بابا کا رہائشی ایک اور نوجوان دیرینہ دشمنی کی بھینٹ چڑھا دیا گیا۔
ابتدائی اطلاعات کے مطابق چملہ ناواگئی سے تعلق رکھنے والا جنید ولد گلزار اپنا اسلحه چیک کر رہا تھا کہ اچانک گولی چل گئی جس کے نتیجے میں وہ خود زخمی ہو گیا۔
اطلاع ملتے ہی ریسکیو کی ایمبولینس اور میڈیکل ٹیم روانہ ہوئی اور جائے حادثہ پر پہنچ کر زخمی کو ابتدائی طبی امداد کے ساتھ ساتھ ڈی ایچ کیو ہسپتال منتقل کر دیا۔
دوسری جانب بونیر ہی کے علاقہ دیوانہ بابا میں ایک نوجوان کی ذبح شدہ لاش برآمد ہوئی ہے۔
مقامی ذرائع کے مطابق دیوانہ زیارت کلے میں برآمد ذبح شدہ لاش کی شناخت سبز علی خان نام سے ہوئی ہے جو اسی گاؤں کا رہائشی تھا۔
کہا جا رہا ہے کہ قتل ذاتی دشمنی کی بناء پر کیا گیا ہے جبکہ پولیس ذرائع کے مطابق قتل کی وجہ تاحال معلوم نہ ہو سکی ہے اور معاملے کی تفتیش جاری ہےـ
