سعودی عرب نے بدھ کو ایک اور شہری کے کورونا وائرس کا شکار ہونے کی تصدیق کی ہے جبکہ کورونا وائرس کی روک تھام کے پیش نظر اپنے شہریوں کی عمرہ ادائیگی پر بھی پابندی لگا دی ہے۔
میڈیارپورٹس کے مطابق سعودی عرب نے دیگر ممالک کے عمرہ زائرین پر پابندی کے بعد اب اپنے مقامی شہریوں کی عمرہ ادائیگی پر بھی عارضی طور پر پابندی لگا دی ہے جس کے باعث پہلی مرتبہ طواف کا عمل رکنے کی اطلاعات ہیں۔
دوسری جانب سماجی رابطوں کی ویب سائٹس پر ایک ویڈیو بھی وائرل ہو گئی ہے جس میں صفا مروۃ کو مکمل طور پر خالی دیکھا جا سکتا ہے۔
پہلی مرتبہ صفا مروہ مکمل طور پر خالی ہے… pic.twitter.com/Yar2Z8TnGV
— Muhammad Shafiq (@IslooJournalist) March 5, 2020
دوسری جانب سعودی حکام کی جانب سے جاری اعلامیے میں کہا گیا کہ کورونا وائرس کے پھیلاؤ کی روک تھام کے لیے سعودی شہریوں اور غیر ملکیوں کے عمرہ کرنے سمیت مسجد نبوی آمد پر بھی پابندی لگائی گئی ہے۔
اعلامیے کے مطابق مقامی افراد پر پابندی عارضی طور پر لگائی گئی جوصورتحال میں بہتری آنے پر فوری طور پر ہٹا دی جائے گی۔
#VIDEO: The circling area around Holy Kaaba at the Holy Mosque in #Makkah was emptied of people temporarily in order to clean and sterilize it, due to #Coronavirus fears and to insure the safety of pilgrims. pic.twitter.com/8CivSYbS29
— Saudi Gazette (@Saudi_Gazette) March 5, 2020
