سابق گلوکارہ رابی پیرزادہ نے غریب بچوں کو مفت تعلیم دینے اور ان کا خرچ اٹھانے میں مدد کرنے کا بیڑا اٹھایا ہے۔ رابی پیرزادہ آج کل کیلی گرافی (خدا کے نام اورقرآنی آیات کی خوشنما تحریریں) بنانے میں مصروف ہیں اورچند روز قبل انہوں نے اپنے کیلی گرافی آرٹ کی نمائش کا اعلان بھی کیاتھا۔
اب رابی پیرزادہ نے سماجی رابطے کی ویب سائٹ ٹوئٹر پر ایک ویڈیو شیئر کی ہے جس میں چند بچے ان کی کیلی گرافی آرٹ کی تصاویر ہاتھ میں اٹھائے ہوئے ہیں۔ ویڈیو کے ساتھ رابی پیرزادہ نے پیغام لکھا اگر والدین اپنے بچوں کو ان کے پاس تعلیم حاصل کرنے کے لیے بھیجیں تو وہ ان کے گھر کا خرچ اٹھانے میں مدد کریں گی۔
رابی نے لکھا اگر لوگ ایک لڑکے کو تعلیم حاصل کرنے کے لیے بھیجتے ہیں تو اس کے بدلے 500 روپے ماہانہ اور اگر اپنی بیٹی کو بھیجیں تو 1000 روپے دوں گی۔
رابی پیرزادہ ان بچوں کے گھروالوں کو اپنے بنائے ہوئے کیلی گرافی آرٹ کے پیسوں سے ان کےگھر خرچ کے لیے پیسے اداکریں گی۔ رابی نے تمام لوگوں سے درخواست کرتے ہوئے کہا کہ ان کا کیلی گرافی آرٹ خرید کران بچوں کی تعلیم حاصل کرنے میں ان کی مدد کریں۔
رابی پیرزادہ نے مزید لکھا ’’ان بچوں کو میں نے پڑھانا ہے، مگر چیریٹی(خیرات)کے پیسوں سے نہیں بلکہ اپنی محنت سے۔ یہ بھی پاکستان ہیں۔
I pays the students family groceries for 500 Rs if they send their boys and 1000Rs if they send their girls for free education. Help these kids by buying calligraphies Inaam
03216775072
ان بچوں کو میں نے پڑھانا ہے۔ مگر چیریٹی کے پیسوں سے نہیں بلکہ اپنی محنت سے۔ یہ بھی پاکستان ہیں pic.twitter.com/aIXvDb9yHp— Rabi Pirzada (@Rabipirzada) January 21, 2020
چند روز قبل سوشل میڈیا پر رابی پیرزادہ کے حوالے سے خبریں گردش کررہی تھی کہ سابق گلوکارہ کے وکیل بابر افضل نے جنگلی جانور پالنے کے مقدمے میں رابی پیرزدہ کی عدالت میں پیشی سے استثنیٰ کی درخواست دیتے ہوئے کہا ہے کہ رابی پیرزادہ کو مسلسل دھمکیاں مل رہی ہیں اور ان کی جان کو خطرہ ہے اس لیے وہ عدالت میں پیش نہیں ہوسکتیں جس کے بعد انہوں نے وضاحت دیتے ہوئے کہا تھا کہ ان کی جان کو کوئی خطرہ نہیں ہے۔
خیال رہے گزشتہ برس رابی پیرزادہ کی ذاتی ویڈیوز لیک ہوئی تھی جو سوشل میڈیا پرپھیل چکی تھی جس کے بعد انہوں نے شوبز سے کنارہ کشی کا اعلان کیا تھا۔ رابی پیرزادہ نے شوبز کے کنارہ کشی اختیار کرتے ہوئے کہا تھا کہ اللہ تعالیٰ میرے گناہوں کو معاف کرے اورمیرے حق میں لوگوں کا دل نرم کرے۔
