ضلع مانسہرہ میں زیر تعمیر مکان کے کنویں سے تین سگے بھائیوں کی لاشیں برآمد ہوئیں۔
پولیس کے مطابق مانسہرہ کے علاقے ڈھوڈیال کے رہائشی تینوں بھائی نئے مکان کی تعمیر کے لیے شنکیاری بجنہ میں موجود تھے، گزشتہ روز گھر واپس نہ آنے پر دیکھا تو کنویں سے لاشیں ملیں جنہیں رہسیکو اہلکاروں نے نکال دیا ہے۔
پولیس کا کہنا ہے کہ جاں بحق ہونے والوں میں 36 سالہ ذیشان، 28 سالہ منیب اور 23 سالہ عمر شامل ہیں۔ مقامی لوگوں کے مطابق موٹر ٹھیک کرنے یا کنوئیں کی صفائی کی غرض سے یہ تینوں بھائی اترے اور کنویں میں زہریلی گیسوں کی وجہ سے ان کی موت ہوئی تاہم اس کی تصدیق ہونا ابھی باقی ہے۔
دوسری جانب بالاکوٹ میں آسمانی بجلی گرنے سے دو افراد جاں بحق جبکہ مال مویشی ہلاک ہوگئی۔ واقعہ مانسہرہ کے علاقے بالاکوٹ میں پیش آیا۔ پولیس کے مطابق گزشتہ رات بالاکوٹ میں اسمانی بجلی گرنے سے 57 سالہ فیض عالم اور 12 سالہ وقاص جاں بحق ہوگئے جبکہ ان کے ساتھ موجود مال مویشی بھی ہلاک ہوگئی۔
