مستونگ میں دھماکہ، جے یو آئی رہنما حافظ حمد اللہ سمیت 4 افراد زخمی
![](https://tnnurdu.com/wp-content/uploads/2023/09/340704_5865148_updates.webp)
بلوچستان کے ضلع مستگونگ میں قومی شاہراہ جوتو کے مقام پر دھماکے کے باعث سینیٹر حافظ حمد اللہ سمیت چار افراد زخمی ہوگئے۔
سکیورٹی ذرائع کے مطابق دھماکہ جمعیت علمائے اسلام ف کے رہنما اور سینیٹر حافظ حمد اللہ کے گاڑی کے قریب ہوا، پولیس اور قانون نافذ کرنے والے ادارے کے جوان جائے وقوعہ کی جانب روانہ ہوگئے۔
حافظ حمداللہ کو کوئٹہ منتقل کیا جا رہا ہے جبکہ دیگر زخمیوں کو نواب غوث بخش اسپتال مستونگ منتقل کر دیا گیا۔
پارٹی ترجمان کے مطابق حافظ حمداللہ دھماکے میں معمولی زخمی ہوئے، دھماکے میں ان کے گن مین اور دیگر دو ساتھی بھی زخمی ہوئے۔
اویس انس نورانی کا کہنا ہے کہ حافظ حمداللہ کی حالت خطرے سے باہر ہے۔
سینیٹر حافظ حمداللہ منگوچر میں جمعیت علمائے اسلام کے جلسے میں شرکت کے لیے جارہے تھے کہ راستے میں دھماکہ ہوا۔ سینیٹر غفور حیدری نے دھماکے کے بعد جلسہ ملتوی کر دیا۔