عبد الستار
مردان میں فائرنگ سے ڈی ایس پی کاٹلنگ فاروق زمان خان زخمی ہوگئے۔ پولیس کے مطابق دہشت گردوں نے گزشتہ رات کاٹلنگ چوکی کے قریب حملہ کیا۔ فائرنگ سے ڈی ایس پی کاٹلنگ فاروق زمان خان شدید زخمی ہوگئے۔
پولیس کے مطابق ڈی ایس پی کاٹلنگ فاروق زمان خان روٹین گشت پر تھے کے اس دوران دہشتگردوں نے فائرنگ کی۔
زخمی ڈی ایس پی فاروق زمان خان کو مردان ہسپتال منتقل کردیا گیا ہے جہاں انکی حالت خطرے باہر بتائی جارہی ہے۔
طالبان نے ڈی ایس پی پر حملے کی ذمہ داری قبول کرلی ہے۔ طالبان کی جانب سے جاری بیان میں کہا گیا ہے کہ مذکورہ ڈی ایس پی انویسٹی گیشن آفیسر بھی تھا جو کہ طالبان کے خلاف انتہائی سرگرم تھا۔
دوسری جانب ہنگو کے طورا وڑی پہاڑوں میں موجود تحریک طالبان پر پولیس نے چھاپہ مارا ہے۔ چھاپے کے دوران
پولیس نے سی ٹی ڈی کوہاٹ کو دہشگردی میں مطلوب 4 اہم دہشتگردوں کو گرفتار کرلیا ہے۔
پولیس کے مطابق گرفتار دہشتگرد لوگوں کو افغانستان کے نمبر سے کال کرکے بھتہ وصول کرتے۔ دہشتگردوں کے قبضہ سے بھاری اسلحہ برامد ہوا ہے۔
اسلحہ میں ہیوی مشین گن چار کلاشنکوف 4 عدد دستی بم افغانستان کے سم موبایل ودیگر چیزیں شامل ہیں۔
