بلوچستان: سکیورٹی فورسز نے 23 عسکریت پسندوں کو ٹھکانے لگا دیا؛ 18 جوان بھی جاں بحق
31 جنوری اور یکم فروری کی رات قلات کے علاقے منگوچر میں دہشتگردوں نے روڈ بلاک کرنے کی کوشش کی، سکیورٹی فورسز اور قانون نافذ کرنے والے ادارے فوری متحرک ہوئے اور سکیورٹی فورسز نے دہشتگردوں کے مذموم عزائم کو کامیابی سے ناکام بنایا۔ آئی ایس پی آر
بلوچستان: سکیورٹی فورسز نے مختلف کارروائیوں کے دوران 23 دہشتگردوں کو ٹھکانے لگا دیا جبکہ مقابلے میں ایف سی کے 18 بہادر جوانوں نے بھی جام شہادت نوش کیا۔
پاک فوج کے شعبہ تعلقات عامہ (آئی ایس پی آر) کے مطابق آئی ایس پی آر کے مطابق 31 جنوری اور یکم فروری کی رات قلات کے علاقے منگوچر میں دہشتگردوں نے روڈ بلاک کرنے کی کوشش کی، سکیورٹی فورسز اور قانون نافذ کرنے والے ادارے فوری متحرک ہوئے اور سکیورٹی فورسز نے دہشتگردوں کے مذموم عزائم کو کامیابی سے ناکام بنایا۔
آئی ایس پی آر نے بتایا کہ منگوچر آپریشن میں 12 دہشت گرد مارے گئے جبکہ دہشت گردوں کا بہادری سے مقابلہ کرتے ہوئے ایف سی کے 18 جوان بھی شہید ہوئے۔
یہ بھی پڑھیں: پشاور ہائیکورٹ کے لیے 10 ایڈیشنل ججز کی منظوری
آئی ایس پی آر کی جانب سے بتایا گیا کہ دشمن قوتوں کی ایماء پر دہشتگردی کا مقصد بلوچستان کا پُرامن ماحول خراب کرنا تھا؛ گھناؤنے بزدلانہ فعل کے مرتکب اور سہولتکاروں کو انصاف کے کٹہرے میں لائیں گے۔
قلات کے علاقے منگوچر میں ہونے والی کارروائی کے تناظر میں ہرنائی میں کلیئرنس آپریشن کیا گیا جس میں مزید 11 دہشتگردوں کو ہلاک کیا گیا۔
آئی ایس پی آر کا کہنا ہے کہ سکیورٹی فورسز بلوچستان کا امن سبوتاژ کرنے کی کوششیں ناکام بنانے کیلئے پرعزم ہیں، ہمارے بہادر سپاہیوں کی ایسی قربانیاں ہمارے عزم کو مزید مضبوط کرتی ہیں۔
