‘فاٹا لویہ جرگہ’ کا اجلاس؛ ملک نصیر احمد کوکی خیل کی رہائی کا مطالبہ
گزشتہ روز حیات آباد میں ملک زادہ فضل کریم کے حجرے میں جو تجاویز پیش کی گئیں، جو کمیٹیاں بنائی گئیں اور جو فاٹا قومی جرگہ کا نام فاٹا لویہ جرگہ تجویز کیا گیا سپریم کونسل نے مشترکہ طور پر ان سب کی منظوری دے دی۔
باڑہ: فاٹا انضمام مخالف تحریک کا اگلا مرحلہ؛ کمیٹیوں کی تشکیل کے ساتھ ساتھ 48 رکنی کمیٹی کے لئے ‘فاٹا لویہ جرگہ’، یا ‘سپریم کونسل’ کے ناموں کی منظوری دے دی گئی۔
فاٹا انضمام مخالف 48 رکنی کمیٹی (سپریم کونسل) کا اجلاس کوہاٹ روڈ پر زنگلی، بڈھ بیر، میں حاجی باز گل کے پٹرول پمپ پر منعقد ہوا۔
فاٹا لویہ جرگہ نے متفقہ طور پر 48 رکنی کمیٹی کا نام ‘سپریم کونسل’ رکھا، گزشتہ روز حیات آباد میں ملک زادہ فضل کریم کے حجرے میں جو تجاویز پیش کی گئیں، جو کمیٹیاں بنائی گئیں اور جو فاٹا قومی جرگہ کا نام فاٹا لویہ جرگہ تجویز کیا گیا سپریم کونسل نے مشترکہ طور پر ان سب کی منظوری دے دی۔
یہ بھی پڑھیں: بلوچستان: سکیورٹی فورسز نے 23 عسکریت پسندوں کو ٹھکانے لگا دیا؛ 18 جوان بھی جاں بحق
اجلاس میں سپریم کونسل نے جمرود پریس کلب سے شہزاد آفریدی کو میڈیا سیکرٹری، کرم ایجنسی سے انجنیئر تورگل کو فنانس سیکرٹری، اور اعظم خان محسود کو جنرل سیکرٹری مقرر کیا ہے۔ اس کے علاوہ باقی عہدوں کا اختیار صدر فاٹا لویہ جرگہ ملک بسم اللہ خان کو دیا گیا ہے۔
زرائع کے مطابق اجلاس میں فاٹا انضمام کو شدید تنقید کا نشانا بنایا گیا۔ اجلاس کے شرکاء نے ملک نصیر احمد کوکی خیل کی گرفتاری کی شدید مذمت کی اور متفقہ طور پر ایک قرارداد پاس کی کہ حکومت نے جعلی ایف آئی آرز میں بے گناہ گرفتار کیا ہے، انہیں فوری طور پر رہا کیا جائے۔
فاٹا انضمام کے خلاف اگلا اجلاس 15 فروری کو طلب کیا گیا جس میں مزید پیش رفت پر تبادلہ خیال کیا جائے گا اور آپس میں صلاح مشورے کئے جائیں گے اور مزید تجاویز پیش کی جائیں گی۔
اجلاس میں باجوڑ ایجنسی سے ملک بہادرشاہ، ملک زیارت گل مہمند، ملک جاوید، ملک امان اللہ، ملک حکیم خان؛ خیبر ایجنسی سے ملک بسم اللہ خان، نوابزادہ فضل کریم، ملک محمد حسین، ملک طہماش شلمانی، ملک گلا خان، حاجی افراسیاب خان، ایف آر پشاور سے ملک یار محمد، خواس خان، ایف آر کوہاٹ سے پرنسپل نور زمان، ملک یونس، ملک سعید، ملک نائب خان، اورکزئی ایجنسی سے ملک شکیل خان، ملک رازیم شاہ، ملک شاپور، ملک طارق، نجیب الرحمان، رحیم اورکزئی، کرم ایجنسی سے ملک خان گل چمکنی، ملک انجنیئر تورگل، ملک ڈاکٹر تورات آفتاب، شمالی وزیرستان سے ملک خان مرجان اور جنوبی وزیرستان و دیگر قبائلی عمائدین نے کثیر تعداد میں شرکت کی۔
صدر فاٹا لویہ جرگہ ملک بسم اللہ خان نے کہا کہ فاٹا انضمام سے قبائلی علاقوں میں مزید محرومیاں پیدا ہو گئی ہیں؛ پولیس اور تھانہ کچہری نظام سے لوگ تنگ آ چکے ہیں، انشاءاللہ قبائلی عوام اس مسلط شدہ فاٹا انضمام سے چھٹکارہ پائے گی جس کیلئے فاٹا لویہ جرگہ کی کوششیں مزید تیز کی جائیں گی۔
