باجوڑ میں گرج چمک کیساتھ ہونے والی تیز بارش کے دوران آسمانی بجلی گرنے کے نتیجے میں 2 افراد جانبحق ہو گئے۔ حادثہ تحصیل سالارزئی کے علاقہ شنگرگل میں پیش آیا۔
جاں بحق افراد کی شناخت اسماعیل ولد صاحب اور حمزہ ولد ہارون کے نام سے ہوئی ہے۔ ذرائع کے مطابق، دونوں چچا اور بھتیجا تھے اور گائے جانور پالنے کے لئے پہاڑی علاقے میں گئے تھے جب یہ حادثہ پیش آیا۔
مقامی افراد کے مطابق، آسمانی بجلی کی زد میں آ کر دونوں افراد موقع پر ہی جاںبحق ہو گئے۔ واقعے کے بعد مقامی انتظامیہ اور امدادی ٹیمیں فوری طور پر جائے وقوعہ پر پہنچیں، تاہم دونوں افراد کی جانیں نہ بچائی جا سکیں۔
