پشاور: پبلک ٹرانسپورٹ میں ایل پی جی سلینڈر استعمال پر پابندی عائد

ضلعی انتظامیہ پشاور نے پبلک ٹرانسپورٹ گاڑیوں میں ایل پی جی سلینڈر کے استعمال پر پابندی عائد کر دی ہے۔ یہ پابندی دفعہ 144 کے تحت لگائی گئی ہے.

ضلعی انتظامیہ کے مطابق، پبلک ٹرانسپورٹ میں ایل پی جی سلینڈر رکھنے اور استعمال کرنے کی شکایات بڑھ رہی تھیں۔ اس اقدام کے تحت غیر رجسٹر ایل پی جی سلینڈر بنانے والوں کے خلاف بھی سخت کارروائی کی جائے گی۔

یہ پابندی 60 دن کے لئے نافذ کی گئی ہے، اور انتظامیہ نے واضح کیا ہے کہ گاڑیوں میں ایل پی جی استعمال کرنے والوں کے خلاف سخت قانونی کارروائی کی جائے گی۔ یہ فیصلہ عوام کی حفاظت کو مدنظر رکھتے ہوئے کیا گیا ہے، کیونکہ گاڑیوں میں ایل پی جی سلینڈر کا استعمال خطرناک ثابت ہو سکتا ہے۔