صحافی اور یوٹیوبر عمران ریاض 4 ماہ بعد بازیاب ہوکر گھر پہنچ گئے۔ سماجی رابطے کی ویب سائٹ ٹوئٹر پر سیالکوٹ پولیس کے اکاؤنٹ سے عمران ریاض کی بازیابی کی خبر کی تصدیق کی گئی۔ پولیس کے مطابق صحافی عمران ریاض اس وقت اپنی فیملی کے ساتھ ہیں۔
اس حوالے سے ڈی پی او سیالکوٹ حسن اقبال نے بتایا کہ عمران ریاض خان بازیاب ہوکر بحفاظت اپنے گھر پہنچ گئے ہیں۔
Journalist/Anchor Mr.Imran Riaz Khan has been safely recovered. He is now with his family.
صحافی/اینکر عمران ریاض خان صاحب بازیاب ہو چکے ہیں۔ وہ اپنے گھر پہنچ چکے ہیں@OfficialDPRPP @rpogujranwala @PunjabPoliceCPO @GovtofPunjabPK @GovtofPakistan— Sialkot Police (@DpoSialkot) September 25, 2023
خیال رہے کہ ایف آئی اے کی ٹیم نے رواں سال فروری میں عمران ریاض خان کو لاہور سے دبئی جاتے ہوئے گرفتار کیا تھا، عمران ریاض خان کو متنازع بیان دینے پر گرفتار کیا گیا تھا۔
اس سے پہلے بھی جولائی 2022 میں امیگریشن حکام نے ضمانت پر رہا اینکر عمران ریاض خان کو لاہور سے دبئی جانے کی کوشش پر آف لوڈ کر دیا تھا۔
ایف آئی اے ذرائع کے مطابق اینکر عمران ریاض نے لاہور ائیرپورٹ سے دبئی جانے کی کوشش کی تاہم نام بلیک لسٹ میں ہونے پر انہیں آف لوڈ کر کے واپس گھر بھجوا دیا گیا تھا۔
