سید ندیم مشوانی
نوشہرہ: سندھ کے مشہور خواجہ سرا صدام عرف سسی کی دھوم دھڑکے سے شادی کرا دی گئی، سسی کے دوستوں نے خوب ہلا گلا بھی کیا اور اپنے فن (رقص) کے جوہر دکھائے۔
خواجہ سرا صدام عرف سسی کی دلہن کا تعلق رسالپور سے ہے جس کا حق مہر ایک تولہ سونا رکھا گیا ہے۔
سسی بارات لے کر رسالپور پہنچے تو ان کا پرتپاک استقبال کیا گیا۔ اس موقع پر دولہے کے دوستوں نے خوب ہلا گلا کیا اور دھمالیں ڈالیں، سسی نے خود بھی رقص کیا جسے وہاں پر موجود مہمانوں نے پسند کیا۔
اس موقع پر صدام نے اپنے گھر کھنڈر گاؤں میں دوست و احباب کیلئے ولیمے کا اہتمام بھی کیا تھا جہاں مہمانوں کو خوش ذائقہ پکوان پیش کیے گئے ۔
شادی کے بندھن میں بندھنے والے صدام عرف سسی کا کہنا تھا کہ اللہ کا شکر گزار ہوں اور عملی زندگی شروع کرنے پر بہت خوشی محسوس کر رہا ہوں۔
