ضلع خیبر کے باڑہ بازار میں فائرنگ کے مختلف واقعات میں ایک بچے سمیت دو افراد جاں بحق ہو گئے۔
پہلے واقعے میں باڑہ بازار میں دکان کے اندر باپ کے ہاتھوں پستول چل جانے سے آٹھ سالہ بیٹا جاں بحق ہو گیا، باڑہ میں سلیم نامی قبیلہ شلوبر سے تعلق رکھنے والا دکاندار اتوار کے روز اپنے آٹھ سالہ بیٹے ثاقب کو تفریح کیلئے اپنی دکان لے کر آیا جہاں پستول صاف کرنے کے دوران ان کے ہاتھوں پستول چلنے سے ان کا اپنا بیٹا شدید زخمی ہو گیا اور اسے تشویشناک حالت میں ہسپتال منتقل کر دیا گیا تاہم ہسپتال میں زخموں کی تاب نہ لاتے ہوئے دم توڑ گیا۔
دوسرے واقعے میں باڑہ سبزی منڈی میں نامعلوم افراد نے فائرنگ کر کے خان بہادر ولد جنت گل قبیلہ ذخہ خیل کو قتل کر دیا، تاہم ملزم فرار ہونے میں کامیاب ہوا۔
ذرائع کے مطابق وجہ قتل پرانی دشمنی بتائی جاتی ہے۔
