ضلع خیبر میں افغانستان جانے والی دو گاڑیوں میں تصادم کے نتیجے میں ایک ڈرائیور جاں بحق جبکہ دو افراد زخمی ہو گئے۔
نمائندہ ٹی این این کے مطابق حادثہ مچنئی چیک پوسٹ حادثہ کل رات چار بجے کے قریب آیا ہے، دونوں گاڑیاں مکمل طور پر تباہ ہو گئی ہیں۔
عینی شاہدین کے مطابق ایک گاڑی کے بریک فیل ہو گئے تھے جس کی وجہ سے دوسری گاڑی سے جا ٹکرائی جس کے نتیجے میں دونوں گاڑیاں کھائی میں گر گئیں جبکہ مچنئی چیک پوسٹ کی مسجد کی ایک دیوار بھی گر گئی، مسجد میں موجود بلال نامی افغانی دیوار گرنے سے زخمی ہو گیا۔
ریسکیو 1122، این ایل سی اور مقامی خیبر پولیس فورس کی ٹیموں نے جائے وقوعہ پہنچ کر امدادی کارروائیاں شروع کر دیں اور بلال نامی زخمی کو فوری پشاور منتقل کر دیا گیا جبکہ گاڑی میں موجود جاں حق ڈرائیور اور زخمی ہونے والے کنڈیکٹر کو نکالنے میں کافی مشکلات کا سامنا کرنا پڑا، آٹھ گھنٹوں کے طویل ریسکیو اآپریشن کے بعد میت اور زخمی کو نکال لیا گیا۔
جاں بحق ہونے والے بخت گل نامی ڈرائیور کا تعلق شینواری میرداد خیل سے ہے۔
