نوشہرہ کے علاقے اکبرپورہ میں کچے مکان کی چھت گرنے سے دو سالہ بچی جاں بحق جبکہ ماں سمیت تین بچے زخمی ہوگئے۔ ایس ایچ او تھانہ اکبرپورہ کے مطابق چھت کے ملبہ تلے دب کر دو سالہ بچی جابحق ہوگئی جبکہ والدہ اور دو کم عمر بچے شدید زخمی ہوگئے۔
مقامی لوگوں نے آپنی مدد آپ کے تحت چھت کے ملبے سے جابحق اور زخمیوں کو نکالا۔ بعد ازاں ریسکیو کی میڈیکل ٹیمیں اور ڈیزاسٹر ٹیم موقع پر پہنچ گئے اور امدادی سرگرمیاں حصہ لیا۔
جابحق دو سالہ بچی ریحانہ دختر محمد نعیم اور زخمیوں کو میاں راشدمموریل ہسپتال پبی منتقل کردیا گیا۔ محمد نعیم ولد ثناب گل کے کمرہ کی خستہ حال چھت گرنے سے اس کی دو سالہ بیٹی ریحانہ چھت کے ملبے گرنے سے موقعہ پر جابحق ہوگئی۔ چھت کا ملبہ گرنے سے محمد نعیم کی زوجہ،دو کمسن بچے چار سالہ عبداللہ اور چھ سالہ مسکان شدید زخمی ہوگئے ہیں۔
