خیبر پختونخوا کے مختلف اضلاع میں کل سے بارشوں کا سلسلہ شروع ہونے کا امکان ہے، پی ڈی ایم اے نے ضلعی انتظامیہ کو مراسلہ جاری کر دیا۔
ڈائریکٹر جنرل پی ڈی ایم کی جانب سے جاری مراسلے میں تیز بارشوں کے پیش نظر متعلقہ اداروں کو پیشگی اقدامات اٹھانے کی ہدایات جاری کی گئی ہیں۔
ڈی جی پی ڈی ایم اے دفتر کے مطابق تمام ضلعی انتظامیہ، ریسیکیو 1122 اور متعلقہ اداروں کوضروری ہدایات جاری کر دی گئی ہیں (کہ) تیز بارشوں کے باعث صوبے کے بعض اضلاع پشاور، چارسدہ، مردان اور ہری پور میں اربن فلڈنگ جبکہ بالائی علاقوں میں لینڈسلائیڈنگ کا خدشہ ہے۔
تمام متعلقہ اداروں کو ہدایت دی گئی ہے کہ جہاں لینڈ سلائیڈنگ کا خطرہ ہو وہاں پر چھو ٹی بھاری مشینری کی دستیابی یقینی بنائی جائے، سیاح دوران سفر احتیاطی تدابیر اختیار کریں، کسی بھی ناخوشگوار واقعے کی اطلاع پی ڈی ایم اے کی ہیلپ لائن 1700 کو دیں۔
دوسری جانب محکمہ موسمیات کے مطابق بارشوں کا سلسلہ جمعرات کے روز تک وقفے وقفے جاری رہنے کا امکان ہے۔
