معروف اداکارہ مہوش حیات اور ہانیہ عامر پشاور زلمی کے آفیشل ترانے میں جلوہ گر ہوگئیں۔
پی ایس ایل میں شریک پشاور زلمی کا آفیشنل سانگ فورٹیٹوڈ پختون کور نے تیار کیا ہے۔ ترانے کی ویڈیو میں پشاور زلمی کے نمایاں کھلاڑیوں کے ساتھ شوبز ستارے مہوش حیات اور ہانیہ عامر نے بھی پرفارم کیا ہے۔
پشتو زبان میں بنائے گئے اس ریپ سونگ میں پاکستان اور کرکٹ سے محبت کا اظہار کیا گیا ہے۔
Zalmi by Fortitude – Pukhtoon Core ft Hania Amir and Mehwish Hayat | Peshawar Zalmi Official Anthem 2020 for #HBLPSLV https://t.co/OFy8ErF3e8#Zalmi #YellowStorm #TayyarHain pic.twitter.com/3FRvCYF7fD
— Peshawar Zalmi (@PeshawarZalmi) February 16, 2020
خیال رہے کہ سیزن فائیو کے لیے پشاور زلمی نے دو کٹ لانچ کی ہیں، اصل کٹ کے ساتھ ایک متبادل کٹ بھی تیار کی گئی ہے اور اس کو بھی لانچ کیا گیا ہے اور بیان کے مطابق کٹ کو امریکن کمپنی ایلیان کے اشتراک سے تیار کیا گیا ہے۔
واضح رہے کہ پی ایس ایل فائیو کا آغاز 20 فروری کو ہوگا اور پہلی مرتبہ لیگ کے تمام میچ پاکستان میں کھیلے جائیں گے جن میں 14 میچ قذافی اسٹیڈیم لاہور، 9 میچ کراچی کے نیشنل اسٹیڈیم، راولپنڈی میں 8 اور ملتان میں 3 میچ کھیلے جائیں گے۔
