پاکستان اور آسٹریلیا کے درمیان دوسرا ون ڈے میچ کل کھیلا جائے گا۔میچ پاکستانی وقت کے مطابق صبح 8:30 بجے شروع ہوگا، قومی ٹیم کو سیریز میں شکست سے بچنے کیلئے لازمی فتح درکار ہے۔
3 میچز کی سیریز میں آسٹریلیاں کو ایک صفر سے برتری حاصل ہے۔ تاہم پہلے ون ڈے میچ میں طبیعت کی ناسازی کی وجہ سے نسیم شاہ نے اوور پورے نہیں کئے تھے، مگر اب وہ دوسرے ون ڈے میچ میں شرکت کریں گے۔
ایڈیلیڈ میں میڈیا سے گفتگو کرتے ہوئے نسیم شاہ نے کہا کہ کریمپس ریکور ہونے میں زیادہ وقت نہیں لگتا، جب کریمپس پڑے تو وقت کم تھا اس لئے اوور مکمل نہیں کر سکا۔
انہوں نے کہا کہ پہلا ون ڈے قریب جا کر ہارے تھے، اُمید ہے کہ ہم دوسرا ون ڈے جیت کر سیریز برابر کریں گے۔
یاد رہے کہ ایڈیلیڈ میں پاکستان نے 28 سال سے کوئی فتح حاصل نہیں ہے، قومی ٹیم کو اس گراؤنڈ میں آخری جیت سال 1996 میں وسیم اکرم کی قیادت میں ملی تھی۔
