رینجرز نے پاکستان تحریک انصاف کے چیئرمین اور سابق وزیراعظم عمران خان کو گرفتار کر لیا۔
عمران خان کے وکیل نے تصدیق کی ہے کہ رینجرز نے چیئرمین پی ٹی آئی عمران خان کو احاطہ عدالت سے حراست میں لے لیا۔ عمران خان اسلام آباد ہائی کورٹ میں پیشی کے لیے آئے تھے جہاں سے رینجرز نے ان کو حراست میں لے لیا۔
آئی جی اسلام آباد نے ایک بیان میں کہا ہے کہ عمران خان کو القادر ٹرسٹ کیس میں گرفتار کیا گیا ہے۔
عمران خان کو قادر ٹرسٹ کیس میں گرفتار کیاگیا ہے۔ آئی جی اسلام آباد ۔
حالات معمول کے مطابق ہیں ۔ آئی جی اسلام آباد
دفعہ 144 نافذ العمل ہے خلاف ورزی کی صورت میں کارروائی عمل میں لائی جائے گی ۔
— Islamabad Police (@ICT_Police) May 9, 2023
اسلام آباد پولیس کی جانب سے جاری ایک بیان میں آئی جی اسلام آباد کے حوالے سے بتایا گیا ہے کہ حالات معمول کے مطابق ہیں اور اسلام آباد میں دفعہ 144 نافذ العمل ہے۔ بیان میں مزید کہا گیا ہے کہ دفعہ 144 کی خلاف ورزی کی صورت میں کارروائی عمل میں لائی جائے گی۔
ادھر پاکستان تحریک انصاف کے رہنما فواد چوہدری کا دعویٰ ہے کہ چیئرمین پی ٹی آئی عمران خان کو عدالت کے احاطے سے اغوا کر لیا گیا ہے۔
ٹوئٹر پر اپنے پیغام میں فواد چوہدری نے کہا کہ عمران خان کو نامعلوم افراد نامعلوم مقام پر لے گئے ہیں۔
Former PM Imran Khan has been abducted from Court premises, scores of lawyers and general people have been tortured, Imran Khan has been whisked away by unknown people to an unknown location, CJ Islamabad HIgh Court has ordered Secy interior and IG police to appear within 15 min…
— Ch Fawad Hussain (@fawadchaudhry) May 9, 2023
دوسری جانب اسلام آباد ہائیکورٹ کے چیف جسٹس مسٹر جسٹس عامر فاروق نے تحریک انصاف کے سربراہ عمران خان کی گرفتاری کا نوٹس لے لیا۔
اسلام آباد ہائی کورٹ کے چیف جسٹس عامر فاروق نے عمران خان کی گرفتاری کا نوٹس لیتے ہوئے سیکریٹری داخلہ، انسپکٹر جنرل پولیس اسلام آباد کو 15 منٹ میں طلب کرلیا۔
چیف جسٹس نے ریمارکس دیے کہ جس نے بھی یہ کام کیا ہے غلط کام کیا ہے۔ مجھے معلوم ہوا ہائیکورٹ کے شیشے بھی توڑے گئے ہیں، چیف جسٹس نے ایڈوکیٹ جنرل سے استفسار کیا کہ فوری طور پر بتائیں عمران خان کو کس نے گرفتار کیا ہے؟
