لائف سٹائل

بھارت کے مہا کمبھ میلے سے وائرل مونا لیزا کی بالی ووڈ میں انٹری

بھارتی فلم ڈائریکٹر سنوج مشرا 16 سالہ مونا لیزا بھوسلے کے گاؤں پہنچے جہاں انہوں نے مونا لیزا اور ان کے اہلِ خانہ سے ملاقات کر کے فلم کے معاملات پر گفتگو کی۔ اطلاعات

بھارت کے مہا کمبھ میلے سے وائرل ہونے والی مونا لیزا ایک بار پھر خبروں میں ہیں جس نے اب بالی ووڈ کی آفر قبول کر کے ایک فلم سائن کر لی۔

بھارتی میڈیا کے مطابق کمبھ میلے میں لی گئی ایک تصویر اور ویڈیو کے باعث مشہور، اور مدھیہ پردیش سے تعلق رکھنے والی یہ لڑکی اپنی خوبصورت آنکھوں، بھوری رنگت اور منفرد اندازِ گفتگو کی وجہ سے توجہ کا مرکز بنی تھی۔ ایک وائرل ویڈیو میں اسے گھاٹ پر مالا فروخت کرتے ہوئے بھی دیکھا گیا۔

یہ بھی پڑھیں: امریکہ: فوجی ہیلی کاپٹر مسافر طیارے سے کیوں ٹکرایا؟ وجوہات سامنے آ گئیں

تازہ اطلاعات کے مطابق بھارتی فلم ڈائریکٹر سنوج مشرا ان کے گاؤں پہنچے، جہاں انہوں نے 16 سالہ مونا لیزا بھوسلے اور ان کے اہلِ خانہ سے ملاقات کر کے فلم کے معاملات پر گفتگو کی۔

بھارتی میڈیا کے مطابق فلم کا نام ‘دی ڈائری آف مانی پور’ ہے اور اس کی شوٹنگ فروری میں شروع ہو گی۔ سنوج مشرا نے مونا لیزا اور ان کے خاندان کو نہایت سادہ اور معصوم قرار دیتے ہوئے کہا کہ چونکہ وہ ابھی کم عمر ہیں اس لیے انہیں فلم کے لیے تیار کرنا ہو گا۔

Show More

متعلقہ پوسٹس

Back to top button