ہنگو کے علاقے گلشن کالونی میں ایک گھرمیں گیس بھر جانے سے ایک ہی گھر کے چھ افراد جاں بحق ہوگئے۔
ریسکیو کے مطابق رات کو ہیٹر لگا رہنے کے باعث کمرے میں گیس بھر گئی دم گھٹنے سے پورا خاندان موت کے منہ میں چلاگیا۔
ریسکیو 1122 کے مطابق ہنگو کے علاقے گلشن کالونی مسجد ابو مطر کے قریب نادر خان نامی شخص کے گھر میں گیس بھرنے کی وجہ سے نادر ان کی بیوی بیٹی اور 3 چھوٹے بیٹے جاں بحق ہو گئے۔
اطلاع ملتے ہی ریسیکیو 1122 نے موقع پر پہنچ کر تمام افراد کو ایمرجنسی طبی امداد فراہم کی لیکن تمام افراد موقع پر ہی دم توڑ گئے تھے۔
جاں بحق ہونے والے افراد کی لاشوں کو ڈسٹرکٹ ہیڈ کوارٹر ہسپتال ہنگو منتقل کر دیا گیا، پورے خاندان کے اجڑنے کے باعث علاقے میں کہرام مچ گیا ہے۔
